المدونة
كيف يجد عملاؤك في منطقتك؟ دليلك الكامل لـ Google My Business
ليه Google My Business مهم جداً؟
لما حد يدور على ‘مطعم قريب مني’ أو ‘صيدلية في المعادي’ أو ‘محامي في الرياض’، جوجل بيعرضله نتائج محلية على الخريطة قبل أي نتيجة تانية. ده اللي بيسموه الـ Local Pack أو Map Pack
الظهور في الـ Local Pack ده بيجيب زوار حقيقيين لمتجرك أو مكتبك أو عيادتك والحصول على هذا الظهور مجاني لو عملت ملف Google My Business صح.
كيف تنشئ ملف Google My Business من الصفر؟
الموضوع أبسط مما تتخيل:
- روح على business.google.com وسجل دخول بحساب جوجل بيزنسك
- ابحث عن اسم نشاطك التجاري، ولو مش موجود اضغط ‘أضف نشاطاً تجارياً’
- اختر الفئة الأنسب لنشاطك(مثال: مطعم، صيدلية، شركة تسويق)
- أضف عنوانك بالتفصيل وحدد موقعك على الخريطة
- أضف رقم هاتفك وموقعك الإلكتروني
- اطلب رمز التحقق (بيوصل بالبريد العادي أو برسالة أو مكالمة)
- بعد التحقق، اكمل ملء كل بيانات الملف
7 عوامل تحسن ظهورك في البحث المحلي
- اكتمال الملف الشخصي
جوجل بيفضل الملفات المكتملة أضف كل شيء: الساعات، الصور، الوصف، الأسئلة الشائعة. الملف المكتمل بيظهر أكتر في النتائج.
- الصور
الملفات اللي بيها صور بتستقبل أكتر بكتير من الزيارات والطلبات. أضف صور خارج وداخل المكان، صور المنتجات أو الخدمات، وصورة الـ Logo
- التقييمات (Reviews)
التقييمات هي العامل الأهم في الـ Local SEO كل ما كان عندك تقييمات أكتر وأحسن، كل ما ظهرت أعلى. اطلب من عملائك الراضيين يكتبوا تقييم، وردّ على كل التقييمات سواء كانت إيجابية أو سلبية
أسهل طريقة: ابعت رسالة واتس لعملائك بعد الخدمة بوجود رابط التقييم المباشر.
- الـ Posts (المنشورات)
تقدر تنشر عروض وأخبار وأحداث مباشرة على ملفك في جوجل المنشورات دي بتظهر في نتائج البحث وبتثبت لجوجل إن نشاطك التجاري نشيط ومحدث.
- الـ Q&A (الأسئلة والأجوبة)
أضف الأسئلة الشائعة اللي بيسألها عملاؤك وأجب عليها ده بيوفر على العميل الوقت وبيزيد ثقته فيك قبل ما يتصل.
- تناسق الـ NAP
NAP يعني: Name, Address, Phone لازم اسم نشاطك وعنوانك ورقمك يكونوا متطابقين تماماً على ملف جوجل وموقعك الإلكتروني وكل أي منصة تانية أي اختلاف بيربك جوجل ويضر بترتيبك.
- الكلمات المفتاحية في الوصف
اكتب وصفاً للنشاط التجاري بيتضمن الكلمات المفتاحية اللي عملاؤك بيدوروا بيها. مثال: ‘شركة تسويق رقمي في القاهرة متخصصة في إدارة السوشيال ميديا والـ SEO
أخطاء شائعة لازم تتجنبها
- إضافة فئات كتيرة مش ذات صلة
- استخدام اسم مختلف عن الاسم التجاري الرسمي
- تجاهل التقييمات السلبية بدون رد
- عدم تحديث ساعات العمل في الأعياد والإجازات
الخلاصة
Google My Business هو أقوى أداة تسويق مجانية للشركات ذات الوجود الفيزيائي إعداده الصحيح بيفرق كتير في عدد العملاء اللي بيلاقوك أونلاين ويزوروك في الواقع.
لو محتاج مساعدة في إعداد وتحسين ملف Google My Business لنشاطك، فريق Wedda Agency بيقدم هذه الخدمة باحترافية.
